ΠΟΙΗΣΗ

OΡΦΙΚΟΣ ΥΜΝΟΣ ΦΥΣΕΩΣ (θυμιαμα αρωματα)

Ω Φύσι, παμμήτειρα θεά, πολυμήχανε μήτερ,
ουρανία, πρέσβειρα, πολύκτιτε δαίμον, άνασσα,
πανδαμάτωρ, αδάμαστε, κυβερνήτειρα, παναυγής,
παντοκράτειρα, τιτιμενέα πανυπέρτατε πάσιν
άφθιτε, πρωτογένεια, παλαίφατε, κυδιάνειρα,
εννυχία, πολύτειρε, σελασφόρε, δεινοκαθέκτι,
άψοφον αστραγάλοισι ποδών ίχνος ειλίσσουσα,
αγνή, κοσμήτειρα θεών ατελής τε τελευτή,
κοινή μέν πάντεσσιν, ακοινώνητε δέ μούνη,
αυτοπάτωρ, απάτωρ, ερατή, πολύγηθε, μεγίστη,
ευάνθεια, πλοκή, φιλία, πολύμικτε, δαήμον,
ηγεμόνη, κράντειρα, φερέσβιε, παντρόφε κούρη,
αυτάρκεια, δίκη, Χαρίτων πολυώνυμε πειθώ,
αιθερία, χθονία καί ειναλία μεδέουσα,
πικρά μέν φαύλοισι, γλυκεία δέ πειθομένοισι,
πάνσοφε, πανδώτειρα, κομίστρια, παμβασίλεια,
αυξιτρόφος, πίειρα πεπαινομένων τε λύτειρα.
πάντων μέν σύ πατήρ, μήτηρ, τροφός ηδέ τιθηνός,
ωκυλόχεια, μάκαιρα, πολύσπορος, ωριάς ορμή,
παντοτεχνές, πλάστειρα, πολύκτιτε, ποντία δαίμον,
αιδία, κινησιφόρε, πολύπειρε, περίφρων,
αενάωι στροφάλιγγι θοόν ρύμα δινεύουσα,
πάνρυτε, κυκλοτερής, αλλοτριομορφοδίαιτε,
εύθρονε, τιμήεσσα, μόνη τό κριθέν τελέουσα,
σκηπτούχων εφύπερθε βαρυβρεμέτειρα κρατίστη,
άτρομε, πανδαμάτειρα, πεπρωμένη, αίσα, πυρίπνους,
αίδιος ζωή ηδ' αθανάτη τε πρόνοια:
πάντα σύ εσσι, άνασσα: σύ γάρ μούνη τάδε τεύχεις.
αλλά, θεά, λίτομαί σε σύν ευόλβοισιν εν ώραις
ειρήνην υγίειαν άγειν, αύξησιν απάντων